അഴൂർ ഗ്രാമപഞ്ചായത്തിലെ പണ്ടാരവിള അങ്കണവാടി റോഡിന്റെ ഇൻ്റർലോക്ക് പ്രവൃത്തി വിജയകരമായി പൂർത്തിയായി. പ്രദേശവാസികൾ ഏറെ നാളായി ഉന്നയിച്ചിരുന്ന ആവശ്യത്തിനാണ് ഇതിലൂടെ പരിഹാരമായത്. റോഡിന്റെ നവീകരണം ഗതാഗത സൗകര്യങ്ങൾ കൂടുതൽ മെച്ചപ്പെടുത്തി.
അങ്കണവാടിയിലേക്ക് എത്തുന്ന കുട്ടികൾക്കും രക്ഷിതാക്കൾക്കും ഇനി സുരക്ഷിതവും സുഗമവുമായ യാത്ര സാധ്യമാകും. മഴക്കാലത്ത് വെള്ളക്കെട്ടും ചെളിയും മൂലമുണ്ടായിരുന്ന ബുദ്ധിമുട്ടുകൾ പരിഹരിക്കുന്നതിനും ഈ വികസന പ്രവർത്തനം സഹായകമായി.
പദ്ധതി സമയബന്ധിതമായി പൂർത്തിയാക്കാൻ പ്രവർത്തിച്ച ജനപ്രതിനിധികൾക്കും ഉദ്യോഗസ്ഥർക്കും തൊഴിലാളികൾക്കും സഹകരിച്ച നാട്ടുകാർക്കും അഴൂർ ഗ്രാമപഞ്ചായത്ത് നന്ദി രേഖപ്പെടുത്തുന്നു. വികസന പ്രവർത്തനങ്ങൾ തുടർന്നും പഞ്ചായത്തിന്റെ മുൻഗണനയായി തുടരും.
